Të paktën pesë punëtorë humbën jetën dhe disa të tjerë mbetën të plagosur në një aksident të rëndë në një kantier ndërtimi në lagjen Hafen City të Hamburgut në Gjermani.about:blank
Viktimat ishin duke punuar në skela, të cilat në një moment u shembën duke i zënë ata poshtë.
Sipas asaj që raportohet nga zjarrfikësit, aksidenti ka ndodhur në zonën e ish-portit në lumin Elba e cila po rindërtohet me zyra dhe ndërtesa banimi, hotele dhe dyqane.
Forca të shumta policie dhe të ndihmës së shpejtë shkuan në vendngjarje dhe po punojnë për të zbuluar shkaqet e këtij aksidenti.
