Costa Titch, reperi 28-vjeçar ka vdekur pasi u rrëzua teksa po performonte në skenë në Afrikën e Jugut.
Homazhe janë bërë për Costa Titch, emri i vërtetë i të cilit ishte Constantinos Tsobanoglou.
Videot e shpërndara në mediat sociale treguan pamje të reperit duke u penguar dhe rrëzuar në tokë gjatë performancës së tij përpara se të ndihmohej të ngrihej.
Ylli i Afrikës së Jugut vazhdoi të performojë dhe përfundoi performancën e tij. Disa sekonda më vonë ai u rrëzua për herë të dytë.
Sipas Sky News, incidenti ka ndodhur para fansave në Festivalin e Muzikës Ultra në Qendrën Nasrec Expo në Johannesburg të shtunën. Ai vdiq më vonë në spital.
Me anë të një postimi në Instagram, familja e tij ka konfirmuar vdekjen e reperit dhe ka falënderuar fansat për mbështetjen e tyre.
“Vdekja na trokiti tragjikisht në derën tonë, duke na grabitur djalin, vëllain dhe nipin tonë të dashur, Constantinos Tsobanoglou, të cilin Afrika e Jugut e kishte dashuruar dhe adhuruar me emrin e tij artistik “Costa Titch”, thanë ata.
Deklaroi se ‘donte t’i vriste fëmijën’/ Fjolla Morina sqaron ndjekësit pas deklaratave tronditëse
Luizi nxjerr ‘zbuluar’ pikën e dobët të Oltës brenda shtëpisë së “BBVA”
Përqafim mes Kurtit dhe kryediplomatit grek, a po i afrohet Greqia njohjes së…
