Raportohet se të paktën 15 persona kanë humbur jetën dhe dhjetëra janë lënduar pasi një tren doli nga shinat në Pakistanin jugor, sipas mediave lokale.
Disa vagonë të Hazara Express u përmbysën pranë stacionit hekurudhor të Saharasë në Naëabshah, rreth 275 km (171 milje) nga qyteti më i madh Karaçi.
Pasagjerët e lënduar janë dërguar në spitalet e afërta, raportoi Geo.TV, ndërkohë mësohet se ekipet e shpëtimit po punojnë për nxjerrjen e trupave nga rrënojat.
Një emergjencë është shpallur në spitalet kryesore në Naëabshah dhe rrethet fqinje të Sindh.Ministri Federal për Hekurudhat dhe Aviacionin Khaëaja Saad Rafique citohet nga media lokale të ketë thënë se zyrtarët fillimisht do të fokusohen në përpjekjet e shpëtimit përpara se të hetojnë shkakun e aksidentit.
Aksidentet në sistemin e vjetër hekurudhor të Pakistanit nuk janë të rralla.
Në vitin 2021, dy trena që udhëtonin në provincën Sindh u përplasën, duke vrarë të paktën 40 njerëz dhe duke lënduar dhjetëra.
Midis 2013 dhe 2019, 150 njerëz vdiqën në incidente të tilla, sipas raporteve të mediave lokale.
