Familja e një vajze 12-vjeçare, fanse e Harry Potter, e cila u vra nga terroristët e Hamasit, ka publikuar pamjet e saj teksa këndonte me të ëmën rreth një muaj përpara se të vritej.about:blank
Noja Dan, që ishte dhe autike, dhe gjyshja e saj 80-vjeçare Karmela ishin mes disa qindra civilëve të vrarë nga militantët kur sulmuan Izraelin më 7 tetor.
Familja Dan konfirmoi përmes një postimi në Facebook se trupat e Nojës dhe gjyshes ishin identifikuar nga skuadrat e shpëtimit. Edhe autoritetet izraelite konfirmuan gjithashtu vdekjet e tyre.
Noja po qëndronte tek banesa e gjyshes së saj kur të dyja u rrëmbyen në lokalitetin Nir Oz, një nga komunat e shumta izraelite që u sulmuan 13 ditë më parë.
Sipas burimeve izraelite, trupat e tyre u gjetën të djegur në afërsi të gardhit kufitar që ndan Izraelin nga Gaza nga punonjësit e skuadrave të shpëtimit.about:blank
Familja Dan publikoi në rrjetet sociale videon e vajzës së saj dhe nënës 53-vjeçare, Galit, teksa këndonin një këngë mjaft popullore në Izrael dhe teksa buzëqeshnin para kamerës.
Lidhur me ngjarjen, nisur nga fakti se 12-vjeçarja ishte fanse e magjistarit Harry Potter, reagoi edhe vetë shkrimtarja britanike Xhej Kej Roulling.about:blank
“Të rrëmbesh fëmijët është diçka e neveritshme dhe e pajustifikueshme. Për arsye të natyrshme, kjo foto më ka prekur edhe mua”, tha ajo në një postim në rrjetet sociale.
