Mëngjesin e kësaj të premteje ka ndodhur një aksident I rëndë në Kosovë, ku një urban është përplasur më një taksi.
Mediet në Kosovë raportojnë se aksidenti ka ndodhur në kryqëzimin që lidhë rrugën “Nazim Gafurti” dhe rrugën “Haxhi Zeka”.
Si pasojë e aksidentit kanë mbetur të plagosur pesë persona, të cilët po marrin ndihmë mjekësore në spital.
Siç duket nga pamjet urbani është përplasur kokë më kokë me taksinë. Nuk dihen ende rrethanat e aksidentit.
Njoftimi i Policisë:
Sot rreth orës 06:30 në kryqëzimin që lidhë rrugën “Nazim Gafurti” dhe rrugën “Haxhi Zeka” në Prishtinë , ka ndodhur një aksident trafiku në mes të një autobusi dhe një veture. Si pasojë e aksidentit pesë persona kanë pësuar lëndime trupore. Të njëjtit kanë pranuar tretman mjekësor. Me rastin po merret njësiti i trafikut.
