Detaje të reja kanë dalë në dritë për ngjarjen e rëndë të ndodhur në Elbasan.
Sipas informacioneve, dyshohet se autori vuan nga probleme të shëndetit mendor.
Konflikti ka nisur kur viktima e ka ofenduar me fjalën “kollovar”, pasi jetonte në shtëpinë e gruas së tij.
Më pas viktima nuk i ka bërë drekën dhe 55-vjeçari e ka ekzekutuar me sëpatë motrën e bashkëshortes.
“E vrava se s’më beri dreken. Vjehrra dhe kunata më ofenduan. Kunata e përdorte gruan time për punët e saja. Nuk i bënte punët vetë”, mësohet të ketë thënë në polici autori.
Autori nuk ka shfaqur asnjë shenjë pendese dhe është shfaqur i bindur se ka bërë gjënë e duhur. Ndërkohë po bëhen analizat e gjakut që janë gjetur në trupin e autorit dhe gjakut në sëpatë.
Në fshatin Kusarth, 44-vjeçarja Alma Qevani u godit për vdekje nga kunati Tefik Tashi, 58 vjeç. Viktima është 44-vjeçarja Alma Qevani, motra e bashkëshortes së Tefik Tashit.
58-vjeçari u kap nga policia në fshatin Bradashesh, teksa ishte me një sëpatë në dorë dhe me duart me gjak dhe po ecte me vrap.
Sëpata është sekuestruar në cilësinë e provës materiale, ndërsa grupi hetimor në drejtimin e Prokurorisë, po punon për zbardhjen e rrethanave të ngjarjes së rëndë.
- Më të lexuarat
- Shkodrani i “çmendur” pas Luizit, nuk do ta besoni se çfarë bëri në fletën e votimit (Foto)
- Shifra marramendëse, ja cfarë REKORDI të jashtëzakonshëm theu kënga e Luizit me të…
- Foto/ Luiz Ejlli nuk ndalet, thyen një tjetër rekord, ja çfarë ndodhi me…
- Krisje mes Kiarës dhe Luizit? Çifti publikon FOTON që i habit të gjithë
