TIRANË- Ministri i Mbrojtjes Niko Peleshi ka deklaruar se Forcat e Armatosura u janë përgjigjur thirrjes për ndihmë për zjarrin e ndezur pranë inceneratorit të Elbasanit. Me anë të një postimi në Facebook, Peleshi bën me dije se gjithsej 20 efektivë dhe 5 mjete zjarrfikëse janë nisur krah zjarrfikësve të Elbasanit. Zjarri është ndezur pasditen e sotme në fushën e grumbullimit të mbeturinave në Elbasan.
Postimi i Plotë:
Forcat e Armatosura iu përgjigjën menjëherë kërkesës së autoriteteve vendore të Elbasanit për të ndihmuar më vënien në kontroll të flakëve në vendgrumbullimin e mbetjeve urbane. 20 efektivë të BMEC-së dhe 5 mjete janë nisur krah forcave zjarrfikëse të Elbasanit për të frenuar përhapjen e zjarrit që favorizohet nga era dhe temperaturat e larta.
