Përveçse Dita e Fëmijëve, 1 Qershori është dhe Dita Ndërkombëtare e Prindërve. Kjo pas miratimit me një rezolutë të Asamblesë së Kombeve të Bashkuara, në 17 shtator të 2012-ës. Ndërkaq, në një mesazh të posaçëm, Vatikani i cilëson prindërit “heronj të ditëve tona”.
1 Qershori përveçse është Dita Ndërkombëtare e Fëmijëve, po ashtu shënon edhe Ditën Globale të Prindërve. Kjo ditë u shpall nga Asambleja e Përgjithshme e OKB-së në vitin 2012 dhe nderon prindërit në të gjithë botën.
Dita Globale e Prindërve ofron një mundësi për të vlerësuar të gjithë prindërit në të gjitha anët e botës për angazhimin e tyre vetëmohues ndaj fëmijëve dhe sakrificën gjatë gjithë jetës për të ushqyer këtë marrëdhënie.
Që nga vitet 1980, roli i rëndësishëm i familjes gjithnjë e më shumë ka ardhur në vëmendjen e bashkësisë ndërkombëtare.
Duke theksuar rolin kritik të prindërve në rritjen e fëmijëve, Dita Globale e Prindërve pranon gjithashtu se familja ka përgjegjësinë kryesore për edukimin dhe mbrojtjen e fëmijëve. Për zhvillimin e plotë dhe harmonik të personalitetit të tyre, fëmijët duhet të rriten në një ambient familjar dhe në një atmosferë lumturie, dashurie dhe mirëkuptimi.
