Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu.
Njerëz të zakonshëm nga vende të largëta vinin për të dëgjuar urtësitë e të Mençurit Kabir.
Një ditë pasi mbaroi ligjërimi, një burrë vazhdoi të rrinte ulur.
Kur të gjithë u larguan. Ai u afrua tek i urti Kabiri dhe i tha: “Duhet të të pyes diçka. Unë jam zot shtëpie dhe grindem gjithmonë me familjarët, veçanërisht me gruan. Dua të di pse kam kaq shumë telashe në shtëpi dhe si mund të kapërcehen.”
Kabiri heshti për pak dhe më pas thirri gruan e tij dhe i tha: “Më sill një kandil të ndezur”.
Gruaja e Kabirit shkoi dhe solli një kandil të ndezur. Zotëria u befasua kur e pa këtë dhe mendoi me vete: “Pse Kabiri kërkon një kandil të ndezur në një pasdite të tillë.”
Pas pak Kabiri e thirri përsëri gruan e tij dhe i tha: “Dëgjo, më sill një ëmbëlsirë”.
Këtë herë në vend të diçkaje të ëmbël, gruaja e tij u kthye me disa ushqime të thata dhe ia dha Kabirit.
Duke parë këtë skenë zotëria mendoi: “Me siguri kjo është shtëpia e të çmendurve. Ushqime të thata e të kripura në vend të ëmbëlsirave dhe fanar gjatë ditës.”
Pastaj me një pamje të zhgënjyer në fytyrë zotëria tha: “Kabir xhi. Unë po largohem.”
Kabiri pyeti: “A është zgjidhur problemi juaj tani? Apo ka ndonjë gjë më shumë që duhet të pyesni?”
Zotëria u përgjigj: “Zgjidhur! Çfarë lloj zgjidhjeje është kjo? Nuk mund ta kuptoj.”
Kabiri tha: “Kur kërkova një kandil të ndezur, gruaja ime mund të thoshte – a je i çmendur? Pse të duhet kandil në një pasdite të tillë?
Por ajo mendoi se mund të më duhej për ndonjë punë, kështu që e solli pa thënë asgjë.
Kur kërkova ëmbëlsirën. ajo solli ushqim të kripur. Ndoshta nuk kishte asgjë të ëmbël në shtëpi, kështu që ajo solli atë që ishte në shtëpi, kështu mendova dhe nuk thashë asgjë.
Kabiri vazhdoi, “Çfarë ka për të diskutuar rreth kësaj. Kur shmangim grindjet dhe i besojmë njëri-tjetrit, mund të shpëtojmë veten nga grindjet.”
Ai burrë e kuptoi që Kabiri i bëri të gjitha këto për t’i treguar zgjidhjen për problemin e tij.
Pastaj Kabiri tha: “Në jetën shtëpiake, ekuilibri arrihet duke i besuar njëri-tjetrit, nëse burri bën një gabim, gruaja e kupton dhe përpiqet ta rregullojë pa kërkuar shpjegime, e nëse gruaja gabon burri nuk e fajëson atë. Kjo është mantra bazë e jetës familjare.”
Mësimi:
Pse zihemi në shtëpi? Arsyeja është egoja dhe mungesa e besimit të ndërsjellë. Burri dhe gruaja janë përplotësues për njëri-tjetrin. Prandaj, nëse dikush bën gabime, tjetri duhet të veprojë me mençuri, të ruajë qetësinë dhe të përpiqet ta zgjidhë problemin me dashuri dhe jo me zemërim. Në jetën shtëpiake, mangësisë së dikujt duhet t’i kushtohet më pak vëmendje dhe besimit duhet t’i kushtohet më shumë rëndësi.
