oiken Abazi shkruan se Luizi, fituesi i Big Brother VIP Albania, ka shkaktuar reagime të ndryshme dhe ka ndarë opinionet e publikut. Disa e kanë shndërruar atë në një (anti)hero të adhuruar, ndërsa të tjerë kanë vënë në dyshim vlerat që ai paraqet.
Veprimet e Luizit drejtohen vetëm nga interesi personal, duke injoruar interesat e përbashkëta thote Abazi. Qasja e tij ndaj shoqërisë dhe vlerave të saj është cinike, duke e vlerësuar vetëm interesin personal të ngushtë.
Gjithashtu ai përdor dredhitë, intrigat dhe makinacionet për të arritur qëllimet e tij personale, pa i kushtuar shumë vëmendje pasojave për të tjerët. Pervec kesaj Luizi nuk përfaqëson një model të moralit dhe sakrificës për të mirën e përbashkët, por as nuk simbolizon të keqen e kulluar. Ndërsa fillimisht duket si një rebelim simbolik ndaj sistemit, me veprimet e tij ai në fund e pranon dhe ia zgjaton jetën këtij sistemi të korruptuar.
Opinioni i Bojken Abazit
Disa pika të shkurtra pse Luizi është (anti)heroi i adhuruar i (frymës së) kohës sonë:
1. Veprimet e tij drejtohen vetëm nga interesi i ngushtë personal.
2. Qasja e tij është cinike mbi shoqërinë dhe çdo vlerë që tejkalon interesin e ngushtë personal.
3. Përdor dredhitë, intrigat dhe makinacionet për arritjen e qëllimeve personale, pa e vrarë shumë mendjen mbi pasojat për të tjerët.
4. Nuk përfaqëson një model të moralit dhe sakrificës për të mirën e përbashkët, por as nuk përsonifikon të keqen e kulluar. Antiheroi, edhe pse paraqet fillimisht një rebelim simbolik ndaj sistemit, me aktet e tij çon në fund thjesht te nënshtrimi ndaj sistemit të pushtetit ekonomiko-politik ku jeton, duke e legjitimuar dhe duke ia zgjatur edhe më shumë jetën këtij sistemi.
5. Përfaqëson kulturën e përgjithshme dhe sipërfaqësore “pop”, pa përmbajtje të thellë dhe pa asnjë synim emancipues.
6. Pasqyron një udhëtim të errët dhe amoral për pare, famë dhe lavdi, duke tërhequr njëkohësisht ndaj vetes adhurimin dhe përbuzjen.
7. Shërben si personazh që i mundëson njerëzve të ndihen të justifikuar dhe të falur për “mëkatet” që kryejnë, për mangësitë karakteriale, për mosdijen dhe për veprimet e tyre amorale. Antiheroi adhurohet, sepse nëse ai ia “del” (në kuptimin e ngushtë personal për të siguruar pare, famë e lavdi) me metodat e tij makiaveliste, atëherë edhe pjesëtarët e tjerë të shoqërisë janë të falur e të justifikuar për amoralitetin e veprimeve të tyre.
“Rroftë Luizi, poshtë shoqëria!
shtypketu.com
