Këngëtari shkodran Luiz Ejlli po shijon famën pas “Big Brother Vip” dhe prej datës 9 Qershor është duke dhënë koncerte në disa prej Shteteve të Bashkuara të Amerikës.
Por, teksa ai ndodhet në Amerikë, partnerja e tij, Kiara Tito ndodhet në Turqi ku po xhirohet programi “Kepi i VIP-ave” dhe ajo do të jetë moderatore. Çift i prej disa ditësh ndodhen shumë larg njëri-tjetrit.
Në koncertin e tij të fundit, Luizi teksa bashkëbisedonte me publikun, i dërgoi një përshëndetje Kiarës, duke u shprehur se e dinte që videot e tyre do të shpërndaheshin e ajo do ta shikonte këtë moment.
Sigurisht që kjo video shkoi deri tek Kiara, e cila e ka shpërndarë në “Instastory” duke etiketuar partnerin dhe krahas emrit të tij i ka vendosur një zemër të kuqe.
