Pas përfundimit të eksperiencës në “Big Brother VIP 2” këngëtari i njohur Luiz Ejlli po korr suksese të njëpasnjëshme.
Së fundmi teksa ai po performonte në një nga koncertet e tij, një nga pjesëmarrësve i ka rënë të fikët, ndërsa artisti ka ndaluar për disa minuta muzikën në mënyrë që t’i vijë në ndihmë personit.
E teksa gjendja shëndetësore e fansit u përmirësua, këngëtari shkodran vazhdoi sërish performancën.
Në videon e cila po bën xhiron e rrjetit duket qartë se veprim i Luizit u prit me duartrokitje dhe fishkëllimë nga fansat e ‘zjarrtë’ të tij, të cilët që pas pjesëmarrjes në këtë reality show e kanë mbështetur atë në çdo hap duke bërë që ai të shpallej fituesi i “Big Brother Vip 2”.
