Duke kërkuar një mënyrë për të mbledhur para për të vazhduar studimet larta, një 19-vjeçar filloi të mbledhë mbeturina, ndërsa tani ai është bërë milioner.
E gjithë historia filloi kur Brian Scudamore ishte gjimnazist. Ai e la gjimnazin për të punuar dhe për të mbledhur para, në mënyrë që të vazhdonte studimet e larta.
Kështu që të riut i erdhi një ide e veçantë, që jo të gjithë do të guxonin ta bënin. Ai bleu një kamion plehrash nga një kompani për mbledhjen e mbeturinave. Brian mblodhi të gjitha kursimet e tij, rreth 1 mijë dollarë për të blerë kamionin e plehrave.
Kështu lindën “Rubbish Boys” ( djemtë e mbeturinave), siç e emërtoi 19-vjeçari biznesin e tij të vogël dhe modest. Sot, Brian është 50 vjeç dhe vazhdon të bëjë të njëjtën punë, vetëm se firma e tij tashmë ka vlerën e 368 milion dollarëve dhe ofron shërbime në 160 degë, në SHBA, Kanada dhe Australi.
Brian nuk e kishte menduar kurrë se do ndërmerrte veprimtari në botën e biznesit. Edhe pse ai i filloi studimet e larta, volumi i punës që kishte në kompaninë e tij e pengoi që të përfundojë studimet. Sot ai është një nga milionerët pa diplomë.
Brian Scudamore është drejtori i përgjithshëm i një kompanie me vlerë 368 milionë dollarë. Kohë pas kohe ai shkruan për revistën Forbes rreth eksperiencës së veçantë dhe shumë fitimprurëse.
Në profilin e tij në Linkedin, ai shkruan se kopshti është e vetmja shkollë që ka mbaruar. Natyrisht është shembulli i gjallë i frazës së famshme angleze: one man’s trash is another man’s treasure (plehrat e dikujt janë thesar për një njeri tjetër).
Histori Motivuese
