Detaje të reja janë zbardhur për vrasjen e 37-vjeçarit shqiptar Pëllumb Islami, me profesion hidraulik, i cili u qëllua gjatë përplasjes mes bandave në një lokal në Athinë.
Policia ka identifikuar 4 nga 7 personat e përfshirë, të cilët sipas autoriteteve janë anëtarë të një bande shumë të ashpër që vepron në qendër të Athinës dhe pjesë e mafies shqiptare. I njohur ndryshe si Grupi L, banda kontrollon shtëpitë publike dhe trafikun e drogës në kryeqytetin grek.
Merr lajme ekskluzive
Don i të informoheni të parët për lajme ekskluzive? Bashkohuni me grupin tonë duke klikuar këtu
Ata mësohet se kanë si seli një klub të njohur në Sepolia dhe një pjesë e tyre ka punuar si truprojë. Hetimet kanë zbuluar se vrasja e 37-vjeçarit fatkeq në kafen Nea Joni, lidhjet me plagosjen me thikë të një 16-vjeçari.
I mituri, i cili rezulton djali i pronarit të lokalit ku ndodhi vrasja, u qëllua me thikë një ditë përpara ngjarjes. Sipas dëshmive, anëtarët e Grupit L, janë ftuar në kafene nga familjarët e fëmijës që ishte goditur me thikë.
Në momentin që ata shkuan në kafene panë në lokal si klientë anëtarë të një bande rivale me të cilët kishin shumë përplasje.
Për një moment anëtarët e Grupit L menduan se kishin rënë në një kurth dhe nisin të shtënat ndaj bandës rivale, duke i marrë jetën shqiptarit fatkeq.
