Një aksident i rëndë në punë i ka ndodhur një 60-vjeçari në Tiranë, i cili është rrëzuar nga lartësia.
Mësohet se 60-vjeçari ishte duke punuar në një pallat që po ndërtohej, por aksidentalisht është rrëzuar.
Si pasojë 60-vjeçari është dëmtuar dhe ndodhet në spital, nën kujdesin e mjekëve. Nuk dihet si paraqitet gjendja e tij.
Njoftimi i policisë:
Më datë 31.03.2023, në rrugën “Kristo Luarasi”, në një kompleks pallatesh në ndërtim e sipër, dyshohet se aksidentalisht ka rënë nga lartësia ku ishte duke punuar shtetasi B. B., 60 vjeç.
Si pasojë 60-vjeçari është dëmtuar dhe ndodhet në spital, nën kujdesin e mjekëve.
Grupi hetimor po punon për sqarimin e rrethanave të ngjarjes.
