Rap-artisti i njohur shqiptar, Noizy, prej kohësh ka paralajmëruar albumin e ri “Alpha”. Pjesë e këtij albumi ka njoftuar se do të jetë edhe “Jena Mbretër 2”, një vazhdim i hitit të tij të kaluar që bëri bujë të madhe në treg.
Rigels Rajku (emri i vërtetë) ka shpërndarë së fundmi një video nga një prej koncerteve duke interpretuar projektin e ri. Ai madje shfaqet duke bërë edhe disa lëvizje që tashmë janë të njohura për publikun.
I njëjti bashkë me videon e tij solli edhe një klip të artistit shkodran, banorit të Big Brother VIP Albania, Luiz Ejlli, i cili shfaqet duke bërë lëvizje të ngjashme. Kjo pasi është edituar dhe është shpërndarë tejet shumë edhe nëpër rrjete sociale, përfshirë TikTokun.
Me këtë duket se në një mënyrë, Noizy ka shprehur edhe mbështetjen e tij për kryefjalen e ketij edicioni te Big Brother VIP Albania Luiz Ejllin. /Telegrafi/
