TIRANË- Nuk ka qetësi. Një tjetër plagosje ka ndodhur në kryeqytet pas një sherri mes adoleshentësh.
Policia e Shtetit ka bërë me dije se një 20-vjeçar i identifikuar si Arli Beta ka goditur me mjet prerës një të ri tjetër, të identifikuar si Erius Tuce, 19-vjeç. Si pasojë e konfliktit, Tuçe ka mbetur i plagosur rëndë dhe tashmë ndodhet në spital, nën kujdesin e mjekëve.
Ngjarja e rëndë ka ndodhur në një qendër lojërash kompjuterike në rrugën “Bilal Golemi”, në zonën e Komunës së Parisit. Po ashtu, është bërë me dije se Policia ka mundur që të vendosë në pranga autorin e ngjarjes, i cili është dërguar në Komisariatin nr. 2. Ndërkohë që i riu është në spital, në gjendje të rëndë, por jashtë rrezikut për jetën.
Policia e kryeqytetit informon s e ‘shërbimet e komisariatit të Policisë Nr. 2 pas informacioneve të marra për një konflikt me mjete prerëse në Komunën e Parisit, gjatë të cilit A. B., kishte goditur me mjet prerës E. T., 19 vjeç, menjëherë kanë organizuar punën për kapjen e autorit të dyshuar dhe vënien e tij përpara përgjegjësisë ligjore. Në vijim të veprimeve u bë shoqërimi i autorit të dyshuar A. B., 20 vjeç, banues në Tiranë, i cili gjatë një konflikti për motive të dobëta, ka goditur me mjet prerës shtetasin E. T. Si pasojë e konfliktit, shtetasi E. T., është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes.noa.al
- LEXO TË RADHË
- Brenda në BBV ai tha se e kishte takuar vetëm njëherë, por Valbona Mema zbulon të pathëna për Armaldon!
- Çfarë deklaroi kryeministri i Kosovës? Albin Kurti pyetet për Luiz Ejllin e “BBVA”
- “Unë nuk do të lidhesha kurrë aty”, Beniada flet për moderatoren: Kur Luizi…
