Spiunonte tek rusët lidhur me të dhënat e grumbulluara nga shërbimi i jashtëm i zbulimit gjerman. Por aktiviteti i tij i zhvilluar në mesin e sulmit rus në Ukrainë u zbulua dhe policia gjermane e vuri në pranga.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
I arrestuari ishte vetë agjent i agjencisë gjermane për zbulimin e jashtëm BND. Ai ra në pranga gjatë një operacioni në Berlin, pas ishte nën mbikqyrje për llogari të hetimeve të brendshme që po zhvillon vetë kjo agjenci.
Dyshohet se brenda BND-së ka edhe agjentë të tjerë të cilën janë nën hetim për bashkëpunim me Moskën në dëm të interesave të vendit dhe aleatëve perëndimorë, por hetuesit nuk japin detaje dhe është e paqartë se çfarë informacionesh konfidenciale mund t’i kenë dhënë ata Rusisë për luftën në Ukrainë.
Qeveria gjermane dëboi 40 agjentë të dyshuar të Rusisë në Prill. Arrestimi në Gjermani vjen disa ditë pasi edhe Austria identifikoi një 39-vjeçar të dyshuar për spiunazh për llogari të Rusisë. I dyshuari është djali i një diplomati rus. Ai u ndalua në Mars por do të gjykohet në liri.
Tv Klan
