“European Space Imaging”, një agjenci me bazë në Mynih dhe që shet të drejtat e përdorimit të imazheve satelitore ka publikuar në LinkedIn një fotografi të Tiranës nga lart.
Cilësia e lartë e fotos, por edhe përmasat e shumëkatëshit të Shefqet Kastratit te ish 7 Xhuxhat bën që kjo godinë të shihet qartë edhe nga orbita.
Disa kate të godinës janë të ngritura pa leje. Numri i tyre, sipas një deklarate të deputetit të PD-së, Gazment Bardhi është pesë. Ai akuzon se Kastrati ka ndërtuar pa leje nën hundën e të gjitha institucioneve.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
“Kjo është drejtësi më e vjetruar se drejtësia e vjetër, kjo nuk është drejtësia që siguron barazi para ligjit. A mund të më thoni pse është i ndryshe ndërtuesi i këtij gradacelë. Nuk ndajnë pjesë e oborrit të kryeministrisë, nuk ndajnë para, nuk kanë mbrojtjen e kryeministrit.
Nëse je pjesë e oborrit, nëse ke mbrojtjen e tij, drejtësia e re ul kokën mbyll sytë dhe nuk shikon Nëse je pjesë e oborrit të kryeministrit mund të ndërtosh jo një mur, por 5 kate në mes të Tiranës me vlerë 30 mln euro dhe të gjitha institucionet ulin kokën”, deklaroi ai në Kuvend më 14 korrik.
Agjencia nuk merret me shumëkatëshin e Kastratit, por thotë në përshkrimin që shoqëron imazhin se Tirana po shndërrohet me shpejtësi në një destinacion për turistët e huaj, duke deklaruar se 5.7 mln turistë e vizituan përgjatë 2021.
“Qyteti njihet për godinat shumëngjyrëshe dhe historinë interesante. Vizitoni Sheshin Skënderbej, relaksohuni në Parkun e Liqenit Artificial dhe shijoni shumëllojshmërinë e ushqimeve dhe pijeve”, shkruan agjencia.
Në të njëjtin përshkrim bëhet edhe një historik i shkurtër edhe i Piramidës..…jetoilumtu.al/
burimi lajmifundit.al/
