E rëndë/ Emigrantja shqiptare gjendet e vdekur në shtëpinë e saj

Lamia është zgjuar sot nga një ngjarje tragjike.

Mediat greke bëjnë me dijen se një 29-vjeçare me origjinë shqiptare është gjetur e pajetë në shtëpinë e saj në qendër të qytetit, ndërsa dyshohet se i ka dhënë fund jetës duke u vetëvarë.

Mësohet se ishte aroma e rëndë që vinte nga banesa e saj, ajo që ka bërë që fqinjët të shqetësohen dhe të njoftojnë policinë.

Pas futjes me forcë të policisë në banesë, ajo është gjetur e varur me një litar të improvizuar.

Sipas dyshimeve, mendohet se ajo i ka dhënë fund jetës një javë më parë, por nuk dihen shkaqet, ndërsa autoritet kanë nisur tashme hetimet.

….jetoilumtu.al/

burimi lajmifundit.al/