Drejtori i AKU në Shkodër, Gjergj Sokoli, i cili ishte shpallur në kërkim është paraqitur në ambientet e policisë dhe pasi është marrë në pyetje ai u la i lirë.
Më herët u raportia se Sokoli ishte arrestuar pasi dyshohet se duke shpërdoruar detyrën, nuk ka evidentuar aktivitetet e paligjshme të një 55-vjeçari që tregtonte vezë.
55-vjeçari prodhonte dhe shiste nën emërtimet e markave të tjera vezë të pakontrolluara. Këto vezë prodhoheshin në një pulari të paregjistruar.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
“Shtetasi Gj. S., me detyrë Drejtor i AKU, Shkodër, i shpallur në kërkim policor, është vetëparaqitur në ambientet e DVP Shkodër. Pas deklarimeve të dhëna, ky shtetas është lënë i lirë”, thotë policia.
Më herët në kuadër të operacionit të koduar “Illegality” u arrestua 55-vjecari V.GJ pasi në pularinë në pronësi të tij të paregjistruar në Tatime prodhoheshin vezë të cilat shiteshin në treg në emër të markave të tjera.
burimi lajmifundit.al/
