Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Instituti për Studimin e Luftës (ISW) njoftoi të shtunën se ushtria ukrainase ka çliruar deri më tani 2500 kilometra katrorë në rajonin e Kharkiv.
Është rezultat i ofensivës ukrainase që vazhdon prej ditësh.
Është publikuar edhe një hartë që tregon se sa territor është çliruar nga ushtria ukrainase në këtë pjesë.
Përparimet ruse janë shënuar me të kuqe, dhe kundërsulmet e Ukrainës janë shënuar me bojëqiell. Pjesa e vizuar me të zezë tregon vende nën kontrollin rus.
Kujtojmë se Rusia braktisi bastionin e saj kryesor në Ukrainën verilindore të shtunën, në shembjen e papritur të një prej fushave kryesore të betejës pasi forcat ukrainase kërcënuan të rrethojnë zonën në një sulm tronditës.
Rënia e shpejtë e Izyum-it në provincën Kharkiv ishte humbja më e rëndë e Moskës që nga marsi, kur trupat ruse u detyruan të tërhiqen nga kryeqyteti, Kievi.
Kjo mund të jetë një pikë kthese vendimtare në luftën gjashtëmujore, me mijëra ushtarë rusë që ikin dhe braktisin furnizimet me municione dhe pajisje.
