Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Landfilli i Bajkajt në Delvinë duhet të shpëtonte 5 bashkitë e jugut me grumbullimin e mbejteve urbane, por është kthyer në shqetësim për banorët atje. Mbetjet janë të pambuluara e për pasojë era e rëndë mbizotëron në zonë
Landfilli i Bajkajt shërben si venddepozitim i mbetjeve urbane, për 5 bashkitë e jugut Saranden, Delvinën, Finiqi, Konispolin dhe Himarën.
Duhet të lehtësonte situatën me grumbullimin e mbetjeve urbane, por ka vështirësuar jetën e banorëve të fshatit në Delvinë
Ata thonë se flenë dhe zgjohen me erën e keqe që vjen nga landfilli.
“Kur hajmë bukë vjen era e keqe, sa hap dritaret.
Era në mëngjes nuk durohet fare. Era është shumë e rëndë,” thonë banorët.
Madhësia e venddepozitimit është 58.150m2, me mundësi zgjerimi , për të shkuar në 64 mijë m2.
Në landfill depozitohen 53.700,00 ton mbetje në vit.
Atje asgjë nuk është e mbuluar.
“Është sëmundje. Uji i pijshëm është i ndotur, lumi që është aty pranë, peshku të gjitha janë të ndotura,” thonë ata.
Banorët janë në alarm për rrezikun që sjellin veçanërisht në muajt e nxehtë, por nuk kanë shpresë për zgjidhjen e problematikave.
“E kemi kundërshtuar, por na thanë se do të sjelli gjëra të mira. U gënjyem nga rrugët që rregulluan,” thonë ata.
Landfilli i Bajkajt është investim i Bankës Botërore me një vlerë prej 7 milion eurosh. /oranews
