Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Polonia ka shpërndarë tableta jodi në departamentet rajonale të zjarrit për t’ua dhënë njerëzve në rast ekspozimi radioaktiv, pas shqetësimeve rreth luftimeve pranë termocentralit bërthamor të Zaporizhzhia të Ukrainës.
Bombardimet në Zaporizhzhia – termocentrali më i madh bërthamor në Evropë – kanë dëmtuar ndërtesat afër gjashtë reaktorëve të tij dhe kanë prerë kabllot e energjisë, duke rrezikuar një katastrofë bërthamore që do të prekte vendet fqinje. Rusia dhe Ukraina fajësojnë njëra-tjetrën për granatimet rreth uzinës, të cilën Rusia e ka pushtuar.
“Pas raportimeve të mediave për betejat pranë termocentralit bërthamor Zaporizhzhia, ne vendosëm para kohe të ndërmarrim veprime mbrojtëse për të shpërndarë jodin”, tha zëvendësministri i Brendshëm Blazej Pobozy për transmetuesin privat Radio Zet.
“Dëshiroj të siguroj të gjithë qytetarët se këto janë veprime rutinë, parandaluese që duhet të na mbrojnë në rast të një situate që shpresoj se nuk do të ndodhë”, shtoi ai.
Jodi konsiderohet një mënyrë për të mbrojtur trupin kundër kushteve të tilla si kanceri i tiroides në rast të ekspozimit radioaktiv.
