Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Është arrestuar 32-vjeçari Fatjon Murati i cili ishte në kërkim për armëmbajtje pa leje. Fatjon Murati shoqërohej nga Endrit Dokle 39 vjeç dhe Gentjan Reçi 39 vjeç, të cilët udhëtonin me 32-vjeçarin.
Fatjon Murati, i cili ishte shpallur në kërkim pasi në bazë të një procedimi penal të këtij viti, ka rezultuar se është bashkëpunëtor (posedues i armëve) me Kristian Gjini, i cili është arrestuar në kuadër të operacionit “Ruger”, të zhvilluar me datë 12.07.2022.
Kristian gjini është arrestuar në muajin Korrik për mbajtjen e 7 armë zjarri, 4 silenciatorë, municion luftarak, krehra, lëndë e dyshuar narkotike, 2 radio si ato të Policisë, dorashka, 7 maska, një thikë, dokumente të dyshuara të falsifikuara, targa të huaja dhe 2 automjete.
Ndërsa për Endrit Dokle dhe Gentjan Reçin, të cilët udhëtonin me 32-vjeçarin, po vijojnë veprimet hetimore./tvklan.al
