Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Nëndetësja e njohur si ‘vrasësi i qyteteve’ e pajisur me dronin bërthamor Poseidon është pikasur vetëm 270 milje nga kufiri i NATO-s në një foto satelitore.
Belgorodi famëkeq u pa i ankoruar në një port në Severodvinsk – afër Arktikut Rus – në atë që vlerësohet si paralajmërimi më i fundit tronditëse i Putinit për Perëndimin.
Sipas ekspertit të mbrojtjes H.I. Sutton, nëndetësja “besohet se është kthyer pas një periudhe të gjatë kur ajo u zhduk’ në Detin Barents, në veri të gadishullit Kola të Rusisë.
Merr lajme ekskluzive në Viber
Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.
Nëndetësja e fuqishme K-329 Belgorod mund të shkaktojë cunami radioaktive dhe të zhdukë brigjet e një qyteti pranë të cilit ajo hidhet.
Në muajin korrik u raportua se si marina ruse mori dorëzimin e nëndetëses më të gjatë të ndërtuar ndonjëherë dhe muajin e shkuar u raportuar zhdukja e saj nga radarët perëndimorë.
Imazhet e fundit sugjerojnë se Putini po bën gjithçka për të fshehur vendndodhjen e makinerisë së tij luftarake 14,700 tonëshe, duke nxitur spekulime nga ekspertët se ajo mund të përdoret si një shfaqje force.
H.I. Sutton tha më parë për La Reppubblica: “Është një lloj krejtësisht i ri i armës që do t’i detyrojë marinat perëndimore të ndryshojnë planifikimin e tyre dhe të zhvillojnë kundërmasa të reja.”
I njoftuar për herë të parë në vitin 2015, disa menduan se Poseidon nuk do të realizohej – por ai u nis në heshtje për herë të parë vitin e kaluar mes kërcënimeve për fundosjen e anijeve luftarake britanike dhe amerikane në Detin e Zi.
Ai thuhet se ka qenë në zhvillim që para rënies së Bashkimit Sovjetik.
Dizajni revolucionar – i bazuar në nëndetëset e raketave të klasit Oscar II – është modifikuar gjerësisht për t’u specializuar në misione të fshehta.
Christopher A Ford, një ish-ndihmës sekretar i shtetit për Sigurinë Ndërkombëtare, i tha CNN se silurët e kësaj nëndetëseje ishin duke u projektuar për të “përmbytur qytetet bregdetare të SHBA me cunami radioaktive”.
Pamje nga parada e nëndetëses K-3 Leninsky Komsomol në Shën Peterburg, Rusi
Këto foto vijnë një ditë pas paradës së ditës së diel, të një nëndetëseje tjetër 3000 tonëshe në rrugët e Shën Petërburgut në Rusi.
E ndërtuar në vitin 1957, K-3 Leninsky Komsomol ishte nëndetësja bërthamore e parë e Bashkimit Sovjetik – dhe tani është vendosur të bëhet një muze në qytetin e Kronstadt, afër Shën Petersburg.
Nëndetësja e madhe u parakalua nëpër qytet ditën e diel në udhëtimin e saj drejt vendit ku do të montohet dhe shndërrohet në një muze.
