Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu.
Gjykata e Elbasanit ka caktuar masën e sigurisë arrest me burg për Luis Gaxhin dhe Rigers Spahiun.
Rigers Spahiu akuzohet për përkrahje të Luis Gaxhit dhe kryerjen e veprimeve që pengojnë zbulimin e të vërtetës.
Ndërsa Luis Gaxhi për “Mbajtje pa lejë të armëve dhe municioneve”, pasi në shtëpinë e tij u zbulua një arsenal armësh. Kujtojmë se më herët ishte arrestuar Xhafer Deliu.
Gjithashtu më tej gazetarja Lala bën me dije se në telefonin e Deliut janë gjetur fotot të Elton Kiles, biznesmenit që më herët kishte marrë porosi nga Nuredin Dumani për ta vrarë.
Po ashtu në telefonin e tij u gjet edhe fotoja e Abedin Mamës (Dine Camit).
Kujtojmë se Dine Cami është në kërkim në kuadër të operacionit Plumbi i Artë. Rigers Spahiu, vëllai i Ardit alias Arjan Spahiut që u vra në Belgjikë është arrestuar për përkrahje të autorit të krimit.
Një arsenal masiv armësh dhe lëndë eksplozive u gjeten në qytetin e Elbasanit. Sipas policisë së Elbasanit, arsenali i armëve është gjetur në banesën e Luis Gaxhit.
Konkretisht, në banesën e shtetasit Luis Gaxhi, u gjetën:
4 armë zjarri kallashnikovë, dy prej të cilave të modifikuara dhe me silenciatorë;
3 pistoleta me silenciatorë;
2 mina me telekomandë, të gatshme për t’u aktivizuar për shpërthim me komandim në distancë, nëpërmjet aparateve celulare;
Kapsolla detonatore;
Një sasi lënde plasëse, e dyshuar “C4”;
4 aparate celulare;
Sasi e konsiderueshme municioni luftarak, blindshpues.
Policia ka mundur që të arrestojë Luis Gaxhi, 37 vjeç, lindur dhe banues në Elbasan, i dënuar për vepra penale në fushën e narkotikëve, në Belgjikë. Ai akuzohet për veprat penale “Sigurimi i kushteve dhe mjeteve për të kryer vrasje” , “Mbajtja dhe prodhimi i armëve luftarake në sasi të mëdha” dhe “Mbajtja pa leje dhe prodhimi i armëve shpërthyese dhe i municionit”.
Në pranga ka rënë edhe Rigers Spahiu, 37 vjeç, lindur dhe banues në Elbasan, për veprat “Veprime që pengojnë zbulimin e së vërtetës” dhe “Përkrahja e autorit të krimit”. Ky shtetas dyshohet si bashkëpunëtor në aktivitetin kriminal të shtetasit Luis Gaxhi.
