Përfundon sot në orën 20:00 afati për depozitimin e kandidaturave për primaret për kandidat për kryetar bashkie në Tiranë dhe Elbasan. Komisioni i Organizimit dhe Kontrollit të Operacioneve Elektorale në Partinë Demokratike thotë se pas orës 20.00, degët e Tiranës dhe Elbasanit do të depozitojnë fizikisht pranë këtij komisioni, informacionin për kandidaturat e propozuara në degët përkatëse së bashku me dokumentacionin e dorëzuar prej tyre.
Doni të informoheni të parët për lajme ekskluzive? Bashkohuni me grupin tonë duke klikuar kët
Lista e kandidatëve që kanë shprehur interes për këto dy bashki do të bëhet zyrtarisht publike të hënën.
Ndërkohë që sa i përket Tiranës, tashmë kanë shpallur kandidimin Belind Këlliçi, Gerti Bogdani, Ilir Alimehmeti dhe Adriana Kalaja.
Për degën Durrës, Komisioni ka vendosur që ky proces të shtyhet deri në datë 8 nëntor, ora 20:00.
Tv Klan
