Doni të informoheni të parët për lajme ekskluzive? Bashkohuni me grupin tonë duke klikuar kët
Ish-kryetari i Partisë Demokratike Lulzim Basha ka reaguar pas akuzave të bëra nga pasardhësi i tij Sali Berisha më herët gjatë ditës së sotme rreth Portit të Durrësit.
Ndërsa e cilëson ish-kryeministrin thjesht si “non grata” pa i përmendur emrin, Basha thotë se Berisha bën deklarata të pavërteta sa herë që do të fshehë diçka.
Basha i kthen akuzat kreut të PD-së duke i thënë se ai bashkë me Ilir Metën dhe Edi Ramën, “bashkë i kanë oligarkët, mediat, lejet kullat, koncesionet etj.
LULZIM BASHA NË TWITTER
“Sa herë do të fshehë diçka, non grata hap thesin e mashtrimeve dhe shpifjeve. Trekëndëshi i Bermudës është i pandarë në korrupsion, lidhje me krimin dhe minim të demokracisë.
E vërteta është e thjeshtë: Bashkë i kanë oligarkët dhe mediat, lejet, kullat, koncesionet e tenderat, bandat dhe policët e gjyqtarët e korruptuar.”
Kujtojmë se më herët gjatë së henës, në një deklaratë për shtyp, Sali Berisha u shpreh se pas asaj që ai e cilësoi si afera e Durrësit fshihet kryeministri Edi Rama dhe ish-kreu i PD-së, Lulzim Basha.
“Ky monizëm nuk ka të ndalur, aferat e tmerrshme të Edi Ramës janë unike në botë. Pasi ka vjedhur 420 milionë euro me firmën e tij për ndërmarrjen e tij të djegësve, vërsulet i tërbuar për të vjedhur 1 milion metër katror tokë në një sipërmarrje, shumë shpejt do e njihni, me dokumente false.
60 përqind të aksionerëve janë Edi Rama dhe Lulzim Brava dhe mafiozët e tyre. Po organizojnë në Durrësin e Shqipërisë vjedhjen më të tmerrshme në histori,” tha Berisha.
