Siç duket edhe nga pamjet e mëposhtme të publikuara nga Tch, një makinë ka përplasur një këmbësor pasi ka qenë duke ecur me shpejtësi në një rrugë lagjeje, ku kalojnë shumë qytetarë.
Pasi ka përplasur këmbësorin që po ecte, makina është përplasur edhe me murin që ndodhej pranë rrugës, ndërsa menjëherë pranë të lënduarit janë mbledhur kalimtarë të rastit për ta ndihmuar.
Pasi Policia mbërriti në vendin e ngjarjes, drejtuesi i mjetit është arrestuar, ndërsa i aksidentuari është në spital, fatmirësisht jashtë rrezikut për jetën.
