Janë zbardhur identetet e aksidentit me dy viktima dhe një të plagosur të regjistruar në orët e para të mëngjesit të sotëm në autostradën Durrës-Tiranë.
Burime bëjnë me dije se viktimë ka mbetur shtetasja Silva Gjergji, 26-vjeçe nga Rubiku, ndërsa automjeti drejtohej nga 26-vjeçari Arbër Tivari, i cili ndodhet në spitalin e Traumës në gjendje kritike për j etën.
Viktimë ka mbetur edhe një vajzë tjetër, pasagjere në automjet, por ende nuk është identifikuar.
Mësohet se policia i ka komunikuar në spital Tivarit, masën e sigurisë “arrest me burg”.
Siç shihet dhe në pamjet e mësipërme, makina me të cilin po udhëtonin të rinjtë drejt Tiranës është përplasur me bordurën dhe është shkatërruar totalisht.
Dyshohet se shkaku i aksidentit ka qenë shpejtësia e lartë, por nuk përjashtohet as ndonjë rrethanë e pazakontë në rrugë që e ka detyruar shoferin të devijojë dhe të humbasë kontrollin mbi drejtimin e mjetit.
