Moderatorja Ana Kallaku zbuloi më shumë detaje nga marrëdhënia e saj me kunatën, Xhensila Murtezaj.
Duke qeshur ajo foli fjalët më të mira për bashkëshorten e vëllait të saj, ndërsa theksoi se është një dashuri e madhe.
Gjatë intervistës në “S’e Luan Topi” ajo la të kuptohej se kanë një marrëdhënie shumë të mirë me njëra-tjetrën.
“Kunata ime është si dritë dhe si ditë bashkë. Xhensila është një dashuri e madhe shumë. Ne kemi jetuar në një kohë të gjatë bashkë dhe jemi rritur sëbashku.
Jam e lumtur që i shikoj bashkë me Besin në një familje aq të bukur. Gëzoj faktin që e kam nusen e vëllait si motër shoqe, e çdo gjë tjetër”, u shpreh Ana Kallaku.
Më herët në një intervistë, Ana Kallaku ka folur mbi marrëdhënien e saj me këngëtaren, ku ndër të tjera është shprehur se e ndjen sikur e njeh prej një jete.
“Me Xhensilën, më duket sikur jam rritur. Ajo ishte vetëm 17 vjeç kur hyri në shtëpinë tonë, por ne dhe kemi jetuar një pjesë të mirë të kohës bashkë.
Në të vërtetë, mbaj mend vetëm pak gjëra që nuk kanë lidhje me Xhensilën. Jemi shumë shumë të lidhura, jemi edhe një moshë, kemi vërtet një marrëdhënie shumë të bukur.
Kur e shoh sesa të lumtur e bën Xhensila vëllanë tim dhe kur ata të dy janë të lumtur bashkë, atëherë edhe unë jam shumë e lumtur.”
