Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
GJIROKASTËR
Kryeministri Edi Rama ka shkëmbyer disa batuta me homologun e tij grek Kyriakos Mitsotakis gjatë vizitës në Derviçan.
Pas fjalës së kryeministrit grek, Rama foli për ndërtimin e një busti për nder të babait të tij Kostandinos Mitsotakis, kryeministër i Greqisë 1990-1993, teksa dhe sheshi do marrë emrin e tij.
Ai i tha homologut greke se si mik mund të vijë sa të dojë, por se nuk mund të ketë bust po nuk ishte kryeministër.
“Si mik mund të vijë sa të dojë, por po nuk ishte kryeministër bust nuk ka. Në përvjetorin e të atit ne shpresojmë ta kemi këtu.
Kyriakos na jep fjalën që do vish ta inaugurojmë sheshin dhe vendosjen e bustit të të ndjerit dhe të paharruarit këtu në këtë zonë babait tuaj. Se unë do jem prapë”, tha Rama.
Nga ana tjetër, Mitsotakis i është drejtuar kryeministrit shqiptar si “shoku Edi”, “Duhet të jem i sinqertë këtu që as unë kur mbaj fjalime në Athinë nuk ka kaq shumë njerëz. Duhet të fitoj në Greqi që të vij këtu”, tha Mitsotakis.
Kryeministri grek dha urimet për festat e fundvitit teksa i ka bërë thirrje banorëve që kanë dhe nënshtetësinë greke të votojnë në zgjedhjet e vitit të ardhshëm.
Ai premtoi që do të vijë për të inauguruar bustin e babait të tij Kostandinos Mitsotakis dhe ka falënderuar për mikpritjen e ngrohtë që iu rezervua.
