Katër persona kanë humbur jetën, ndërsa tre të tjerë janë plagosur si pasojë e një aksidenti ajror në Australi, pasi dy helikopterë u përplasën në ajër.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Aksidenti tragjik ndodhi në orën 14:00 (me orën lokale) pranë parkut turistik Sea World në rajonin e Gold Coast.
Sipas policisë, në momentin fatal të përplasjes njëri helikopter ishte duke u ulur dhe tjetri po ngrihej.
Siç njoftojnë autoritetet vendase, viktimat dhe të plagosurit ndodheshin të gjithë në të njëjtin helikopter.
Autoritetet hetimore të Shërbimit të Reagimit Emergjent po hetojnë shkaqet e aksidentit tragjik.
