Ish-zëvendësministrja e Financave, Irena Beqiraj ka reaguar pas postimit të fundit të kryeministrit Edi Rama, i cili shkruante se eksportet e produkteve bujqësorë në vlerë nominale janë rritur gjatë 2022.
Beqiraj i drejtohet Ramës dhe i kërkon që të tregojë të vërtetën për situatën në bujqësi, teksa shkruan “po të llogarisim indeksin e rritjes së çmimit për portofolin tonë të eksportit kam frikë se rritja e çimimeve e tejkalon 17%, duke e kthyer pamjen përmbys”.
Postimi i plotë i Beqirajt:
Disa informacione në ndihmë të Kryeministrit! Duke analizuar punën e qeverisë Kryeministri na informon që eksportet e produkteve buqësore në vlerë nominale janë rritur me 17% në periudhën Janar2022 – Nentor 2022.
Por ka edhe një fakt tjetër që siç duket Kryeministrit nuk ja kanë thenë. Pikërisht për 11 mujorin çmimet e produkteve buqësore , në Europë( ku ne kryesisht eksportojmë) jane rritur me më shumë se 14 % , ku frutat edhe perimet jane rritur me 25%.
Po të llogarisim indeksin e rritjes se çmimit për portofolin tonë të eksportit kam frikë se rritja e cimimeve e tejkalon 17%, duke e kthyer pamjen përmbys .
Por le të bejmë një llogari të thjeshtë jo te detajuar . Le ti referohemi indeksit te Bankës Botërore , i cili thotë që indeksi i cmimeve për produktet buqësore pa perfshirë grurin është rritur 14.9%. Thenë këte rritja reale mesatare e eksportit është ne rastin më të mirë 17%-14.9% = 2.1%.
Syzat e mediave padyshim që nuk tregojnë realitetin, por realitetin nuk e tregojnë as dylbitë e vlerës nominale të Znj. Krifca.
Realitetin e tregon rritja reale, për cdo produkt të portofolit duke e zhveshur nga rritja e cmimeve edhe ne mendimin tim modest , ne 10 vjecarin e qeverisë socialiste ka pasur vite ku e ku më te mira për buqësinë!
