Pas Luizit dhe Kiarës, një tjetër çift “u kurorëzua” në shtëpinë e “Big Brother Vip.” “Vëllai i Madh” organizoi një dasmë kosovare brenda shtëpisë, ku nusja dhe dhëndri këtë herë ishin përkatësisht Nita dhe Bledi.
Dyshja u “shpallën burrë e grua” nga Luizi, i cili kishte rolin e nënpunësit të bashkisë. “Çifti” shkëmbyen edhe një puthje në buzë pas këmbënguljes së banorëve.
Ndonëse “dasma” ishte e gjitha në kontekstin e lojës, së fundmi Bledi ka lënë të kuptojë se e shikon në një të ardhme veten vërtetë me Nitën.
“Ndoshta rrugës do të dashurohemi,” ishte deklarata e Manes për këngëtaren e cila nuk pritej.
Ndërkohë ashtu si në dasmën e parë, edhe kësaj here pati mungesa. Ishin Dea dhe Amosi ata të cilët nuk morën pjesë në dasmën e Luizit dhe Kiarës, ndërsa në dasmën e Nitës dhe Bledin, Ermiona vendosi të mos marrë pjesë dhe t’i vëzhgojë nga larg.
Kujtojmë se “dasmorët” e Kiarës dhe Luizit, pra banorët e “Big Brother Vip”, nuk kishin si të mos e komentonin “dasmën” e tyre.
Gjatë bisedave në shtëpi, banorët kanë shprehur mendimet e tyre rreth dasmës, që disa e shohin si të vërtetë, ndërsa të tjerë si lojë ose si diçka fallco.
Disa nga mendimet e banorëve:
Armaldo: Jam i lumtur që unë isha pjesë e kësaj që ndodhi. Kiara ishte bërë shumë e bukur, edhe Luizi taman dhëndër
Tea: Nuk ishte dasmë, ishte lojë. Nuk e prisja fare atë puthjen, mendova që do vazhdonin ashtu siç kanë qenë.
Olta: Akoma nuk më besohet, unë dua prapë puthje.
Diola: Unë mendoj se ishte një dasmë ishte shumë reale.
Amos: E ke parasysh mbretin te “Shrek 1”, fiks si ai më duket Luizi. Edhe puthja gjysmë ore do zgjasë.
