Janë zbardhur bisedat mes korçarit Andon Tefit dhe vlonjatit Armando Lamajt disa orë para se ata të mbeteshin të vrarë nga përplasja me armë në lagjen “Kato Patisia” të Athinës.
Shkak i konfliktit dyshohet të ketë qenë trafiku i lëndëve narkotike, teksa nga përplasja mbeti viktimë dhe një 23-vjeçar, si dhe u plagosën dy efektivë policie.
Nga bisedat e zbardhura nga media greke Realnews, vërehet se ka patur shumë tension mes dy shqiptarëve para masakrës.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Nga mesazhet e shkëmbyera rezulton se para sherrit të përgjakshëm, Tefi dhe Lamaj kishin lënë takim për të zgjidhur mosmarrëveshjet që kishin lindur, pas arrestimit të tyre majin e kaluar me një sasi kokaine.
Mëngjesin e së shtunës së kaluar, pak orë para sherrit të përgjakshëm, 48-vjeçari Tefi kishte shkuar në një dyqan në pronësi të bashkëkombësit të tij 46-vjeçar.
“Po të kërkoj, ku je?”, ka qenë sipas informacioneve mesazhi i parë që i ka dërguar ai Lamajt, pasi nuk e ka gjetur në servisin e tij.
“Ja ku jam, nuk po fshihem. Nuk të shoh askund”, ishte përgjigja për 48-vjeçarin.
“Eja, hej në mbrëmje ku thamë dhe do të të tregoj”, ka shkruar ndër të tjera Tefi, duke mbyllur kështu orën për takimin që degjeneroi në përdorimin e armëve.
“Unë do të jem aty, kujdesu që të jesh edhe ti, jo si herët e tjera kur nuk ishe askund dhe nuk u shfaqe”, u përgjigj 46-vjeçari, për herë të fundit.
Dy ish miqtë dhe partnerë në vepra të ndryshme kriminale më në fund shkuan në takimin në rrugën Kourtidou, ku Andon Tefi u shfaq me makinën “Mercedes Benz”, nën shoqërinë e partneres së tij 36-vjeçare.
Ndërkohë, Armando Lamaj lëvizte me motoçikletë. Ai është sharë menjëherë nga rivali i tij 48-vjeçar, i cili papritur ka nxjerrë një pistoletë dhe e ka qëlluar.
Më pas, rreth orës 9:15 të natës, plumbat filluan të binin si shi, sipas medias greke, pasi pas goditjes së pare me armë nga Tefi janë kundërpërgjigjur menjëherë nga grupi i Lamajt.
48-vjeçari për t’u mbrojtur ka zbritur nga makina dhe ka nisur të qëllojë duke plagosur një person të dytë që ka tentuar të arratiset nga vendi i ngjarjes.
Megjithatë, ai nuk arriti të shkojë larg, pasi 36-vjeçarja në timonin e “Mercedes Benz-it” ka marrë timonin e makinës, ka ndjekur, ka goditur dhe ka vrarë personin që kishte mbetur i plagosur nga të shtënat..jetoilumtu.al/
