Ditën e djeshme, presidenti ukrainas,Volodymyr Zelensky, ka bërë një vizitë në Shtetet e Bashkuara të Amerikës, ku është takuar edhe me presidentin Joe Biden.
Ai zhvilloi takime edhe me faktorë të tjerë të politikës amerikane dhe mbajti edhe një fjalim në Kongres.
Vizita e Zelenskyt në SHBA shihet si historike pasi ishte e para jashtë shtetit për politikanin ukrainas që kur Rusia pushtoi vendin e tij.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Ai arriti të marrë mbështetje të plotë nga Biden dhe Kongresi, duke përfituar një fond prej 43 miliard dollarësh në ndihmë të vendit të tij dhe premtimin për të dërguar në Ukrainë raketat “Patriot”.
Megjithatë, që Zelensky të arrinte në territorin amerikan, u desh që të zhvillohej një operacion top-sekret në të cilin u përfshinë avionë mallrash dhe luftarakë nga më shumë se një forca të armatosura të vendeve anëtare të NATO -s.
