Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Të paktën 30 persona janë shoqëruar në Polici në lidhje me anijen e ndaluar në Qerret mbrëmjen e së shtunës, ku dyshohet se kishte sasi lënde narkotike.
U raportua se pas kontrollit policor, ka rezultuar se në kontejnerin me banane mungonin disa arka, të dyshuara të mbushura me lëndë narkotike.
Policia pritet të japë një version zyrtar në lidhje me ngjarjen, për të zbuluar itinerarin e anijes së sekuestruar dhe të gjithë skemën e ndodhur.
Në ndihmë të policisë do të jenë kamerat e sigurisë në perimetrin e portit, që do të bëjnë të mundur zbulimin dhe lëvizje e autorëve të dyshuar.
Duke iu referuar burimeve, raportohet se ka dyshime që hapja e kontejnerit është bërë para se të kalonte në filtrin e policisë dhe skanerit.
Policia dyshon se brenda kontejnerit mund të ketë pasur lëndë narkotike. Shoqërimet janë bërë gjithë natën.
Duke qenë se porti është i pajisur nga kamerat e sigurisë, aktualisht po analizohen pamjet për të parë se kush ka ndërhyrë në mjet../jetoilumtu.al/
burimi lajmifundit.al/
