Doni të informoheni të parët për lajme ekskluzive? Bashkohuni me grupin tonë duke klikuar kët
Një 50-vjeçar i cili prej disa ditësh rezultonte i humbur është gjetur në banesën e tij i pajetë.
Policia sqaron se ngjarja ka ndodhur në Kukës, ku familjarët kanë denoncuar humbjen e të afërmit të tyre.
Blutë në verilindje thonë se menjëherë sapo kanë marrë informacionin kanë shkuar në shtëpinë e 50-vjeçarit dhe pasi kanë hapur me forcë derën e shtëpisë, e kanë gjetur atë të vdekur.
Nga hetimet paraprake dyshohet se ai në gjendje depresioni, është vetëvrarë, disa ditë më parë, duke prerë damarët me thikë.
Kukës/Informacion paraprak
Më datë 14.11.2022, rreth orës 17:00, në Komisariatin e Policisë Kukës, ka bërë kallëzim shtetasi Y. K., se kishte disa ditë që kishte humbur kontaktet me të afërmin e tij, shtetasin A. K.
Mënjëherë, shërbimet e Policisë dhe të zjarrfikëses, së bashku me shtetasin Y. K., kanë shkuar në banesën e shtetasit A. K. Shërbimet e zjarrfikëses kanë hapur me forcë derën e cila ishte e mbyllur nga brenda dhe në banesë kanë gjetur të pajetë shtetasin A. K., 50 vjeç, i cili jetonte i vetëm.
Nga hetimet paraprake dyshohet se shtetasi A. K., në gjendje depresioni, është vetëvrarë, disa ditë më parë, duke prerë damarët me thikë.
Në vendin e ngjarjes grupi hetimor gjeti dhe sekuestroi në cilësinë e provës materiale thikën me të cilën dyshohet se ai është vetëvrarë.
Grupi hetimor, nën drejtimin e Prokurorisë pranë Gjykatës së Rrethit Gjyqësor Kukës, vijon hetimet për sqarimin e plotë të rrethanave të ngjarjes.
