Një 26-vjeçar shqiptar u gjet i pajetë në lumin e Arno, në Firenze të Italisë.
Ishin shenjat e gishtave ato që çuan në identifikimin e kufomës, së gjetur në orët e vona të mbrëmjes së të mërkurës.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Shenjat e gishtave të shqiptarit u dërguan për verifikim në seksionin shkencor të policisë së Firenze, pasi trupi i të riut ishte në gjendje të dekompozuar si pasojë e kohës së gjatë të qëndruar në lumë.
Nga verifikimet e kryera, shqiptari rezultonte të kishte disa denoncime për vjedhje, raportojnë mediat italiane.
Ekspertiza e kryer në trupin e pajetë nuk konstatoi asnjë shenjë dhune apo traume, duke u përqendruar në pistën kryesore se vdekja e shqiptarit është shkaktuar për shkak të mbytjes.
Gjithsesi hetimet e autoriteteve italiane janë në vijim për të zbuluar më shumë lidhur me rrethanat në të cilat shqiptari humbi jetën./jetoilumtu.al/
burimi lajmifundit.al/
