Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Një 29-vjeçar, i identifikuar me iniciale S.H., është prangosur nga Policia e Shtetit. Kjo pasi Policia i ka gjetur doza me lëndë të dyshuar narkotike kanabis në makinën e tij. I riu akuzohet për veprën penale “Prodhimi dhe shitja e narkotikëve”.
Goditet një rast i shpërndarjes së lëndëve narkotike në doza. Sekuestrohen doza me lëndë të dyshuar narkotike kanabis, vihet në pranga 29-vjeçari që i posedonte. Specialistët për Hetimin e Narkotikëve në DVP Elbasan, në vijim të kontrolleve për evidentimin dhe goditjen e veprimtarisë kriminale në fushën e narkotikëve, arrestuan në flagrancë, për veprën penale “Prodhimi dhe shitja e narkotikëve”, shtetasin: S. H., 29 vjeç, banues në Elbasan.
Gjatë kontrollit të ushtruar nga shërbimet e Forcës së Posaçme “Shqiponja”, në automjetin që drejtonte ky shtetas, u gjetën doza me lëndë të dyshuar narkotike kanabis, të cilat u sekuestruan në cilësinë e provës materiale, bashkë me automjetin. Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
…jetoilumtu.al/
