Janë zbardhur detaje të reja nga ngjarja e rëndë, e ndodhur në Tiranë ku një sherr mes fqinjëve ka përfunduar me një jetë të humbur.
Mësohet se 51-vjeçari Alban Meneri ka goditur me grushte në pjesën e qafës fqinjin e tij Nikolin Staka, duke i shkaktuar hemorragji.
Ka qenë pikërisht ky shkaku që ka bërë, që 56-vjeçari të ndërrojë jetë në banesën e tij.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Ndërkohë, policia ka arrestuar Menerin, i cili akuzohet për veprën penale “Plagosja e rëndë me dashje”, me pasojë vdekjen.
Tiranë
Plagosi rëndë një shtetas, i cili si pasojë humbi jetën, vihet në pranga 51-vjeçari.
Shërbimet e Komisariatit të Policisë Nr. 2 ndaluan me iniciativë shtetasin A. M., 51 vjeç, banues në Tiranë, për veprën penale “Plagosja e rëndë me dashje”, me pasojë vdekjen.
Ky shtetas, gjatë një konflikti për motive të dobëta, ka goditur me grushte në pjesën e qafës, duke i shkaktuar dëmtime në laring, fqinjin e tij, shtetasin N. S., 56 vjeç, banues në Tiranë, i cili si pasojë e plagëve të marra, ka ndërruar jetë në banesë.
Materialet i kaluan Prokurorisë, për veprime të mëtejshme procedurale.
burimi lajmifundit.al/
