Një shqiptar ka humbur jetën në një aksident tragjik të regjistruar mbrëmjen e djeshme në Breshia të Italisë. Mediat përtej Adriatikur raportojnë se viktima është 40-vjeçari Alban Dushi.
Ai po kthehej nga puna me mjetin e tij tip “Mercedes Benz”, e cila ka dalë nga rruga dhe është përplasur me një pemë. Sipas asaj që shkruajnë media, makina e shqiptarit ka rrëshqitur nga rruga.
Doni të informoheni të parët për lajme ekskluzive? Bashkohuni me grupin tonë duke klikuar këtu
Mjeti ka kaluar në trotuar në një moment kur aty po ecnin dy gra. Njëra prej tyre, 50-vjeçe, u përplas nga makina. Pas këtij momenti, mjeti ka përfunduar duke u përplasur me pemën.
Në vendngjarje kanë mbërritur urgjenca 118 dhe nuk kanë mundur të bëjnë asgjë për 40-vjeçarin. Gruas së dëmtuar i është dhënë menjëherë ndihma mjekësore dhe ka pësuar fraktura në gjymtyrë.
