Aeroporti i Zyrihut merr rregullisht çmime “për lehtësinë e përdorimit dhe standardet e larta të cilësisë”, mirëpo sipas “Tages-Anzeiger” ky reptuacion është shkatërrur nga një i ri shqiptar.
27-vjeçari shqiptar ka hyrë pa autorizim në ambientet e aeroportit të Zyrihut në Zvicër rreth orës 22:00, ndërsa raportohet se fillimisht po ecte në pistë, ku më pas vodhi një makinë me të cilën iu drejtua pistës 28 për të shkuar në zonën E të pistës së aeroportit.
Me të mbërritur në zonën E, e përdorur kryesisht për fluturimet me distanca të gjata, i riu u përpoq të hipte në një avion për në Johannesburg i veshur me një jelek fluoreshent që kishte gjetur aty pranë, por ekuipazhi ia mohoi hyrjen duke e larguar.
Një punonjës i aeroportit përfundimisht e zbuloi atë në kabinën e një aeroplani tjetër të nisur për në São Paulo nga ku më pas u arrestua, ndërsa pas shoqërimit të tij, një mjek e ka ekzaminuar shqiptarin “dukshëm të çorientuar”, raporton media “K-Tipp”.
Një zëdhënëse e aeroportit tha se “hetimet për këtë incident ende nuk kanë përfunduar plotësisht” dhe se “deri më tani nuk është bërë asnjë përshtatje e proceseve”.
Një punonjës i Swissport përfundimisht e zbuloi atë në kabinën e një aeroplani tjetër të nisur për në São Paulo. Me sa duket, burri donte të udhëtonte si një autobus.
