Një ngjarje e rëndë është shënuar në kryeqytet ku një 56-vjeçar mbeti i vdekur si pasojë e një sherri me fqinjin e tij.
Ngjarja ka ndodhur më 30 korrik, por është zbuluar vetëm një ditë më pas.
Sipas policisë, autori Alban Mneri, 51 vjeç ka goditur në qafë Nikolin Stakën duke i shkaktuar dëmtime në laring, dhe si pasojë e dëmtimeve të marra, ky i fundit ka ndërruar jetë në banesë.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Mësohet se gjithçka ka nisur pasi autori i dyshuar i ngjarjes është zënë me një grua për një vend parkimi.
Ndërkohë, viktima ka dëgjuar sherrin dhe ka dalë në ballkon duke i kërkuar autorit që të mos zihej me gruan.
Sipas dëshmitarëve Alban Mneri i ka thirrur viktimës që të zbriste poshtë. Staka ka zbritur për të qetësuar situatën, por nuk e ka pritur qe do konfrontoheshin fizikisht.
Pas sherrit i kanë ndarë njerëz të tjerë dhe secili më pas është larguar.
Nikolin Staka ka gjetur vdekjen në banesë pasi sipas aktekspertizës paraprake ka pasur hemorragji te brendshme si pasojë e goditjeve që ka marrë nga Alban Mneri.
Ndërkohë, mësohet se Alban Mneri ka qenë i proceduar edhe me herët për dhune dhe njihej si njeri agresiv në lagjen ku jetonte.
Policia ka ndaluar 51-vjeçarin dhe po punon për zbardhjen e plotë të ngjarjes..…jetoilumtu.al/
burimi lajmifundit.al/
