Doni të informoheni të parët për lajme ekskluzive? Bashkohuni me grupin tonë duke klikuar kët
Ambasadorja e SHBA-së në Tiranë, Yuri Kim, ka reaguar në rrjetet sociale pas miratimit nga KLP të 3 kandidatëve që synojnë të marrin drejtimin e SPAK. Ambasadorja thotë se është e rëndësishme që procesi të jetë transparent dhe pa manipulime nga ata që kërkojnë të bllokojnë apo ndikojnë në drejtësi. Sipas saj, drejtuesi i ardhshëm i SPAK duhet që të jetë i kualifikuar, i aftë dhe i vendosur për të intensifikuar luftën kundër korrupsionit dhe krimit të organizuar.
“Tani që kandidatët për kreun e ardhshëm të SPAK janë konfirmuar, është thelbësore që procesi të jetë transparent, që kreu i ri i të jetë (1) i zgjedhur në bazë të kualifikimit dhe rezultateve dhe (2) i aftë e i vendosur të intensifikojë luftën kundër korrupsionit dhe krimit të organizuar. Procesi i përzgjedhjes duhet të jetë i paprekur nga ata që kërkojnë të bllokojnë dhe të ndikojnë drejtësinë, nga ata që parapëlqejnë mënyrat e vjetra dhe për këtë shkak kundërshtojnë reformën në drejtësi. Taktika të tilla i përkasin një të shkuare që ka lënduar kaq shumë njerëz. SPAK – ashtu si reforma në drejtësi – duhet të ketë të bëjë me të ardhmen e Shqipërisë”, shkruan Kim
Në garë për kreun e SPAK janë prokurorët Adnan Xholi, Altin Dumani dhe Edvin Kondili./tvklan.al
