Policia e Fierit ka vendosur në pranga një 61 vjeçar të shpallur në kërkim kombëtar, i akuzuar si pjesë e një grupi të strukturuar kriminal.
Procedimi penal ndaj tij nisi në vitin 2019 nga Drejtoria e Përgjithshme e Policisë së Shtetit.
GJKKO vendosur më 08.03.2022 masën “Arrest me burg” ndaj 61 vjeçarit për veprat penale “Grup i strukturuar kriminal”, “Kryerja e veprave penale nga organizata kriminale” dhe “Prodhimi dhe shitja e lëndëve narkotike”.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Njoftimi i policisë
Finalizohet operacioni policor i koduar “Interaction” për kapjen e një shtetasi të shpallur në kërkim.
Vihet në pranga 61-vjeçari i shpallur në kërkim kombëtar për veprat penale ”Grup i strukturuar kriminal”, “Kryerja e veprave penale nga organizata kriminale” dhe “Prodhimi dhe shitja e lëndëve narkotike”.
Specialistët për Hetimin e Krimeve në Komisariatin e Policisë Fier në bashkëpunim me specialistët e Seksionit për Hetimin e Narkotikëve në Drejtorinë Vendore të Policisë Fier, në vijim të punës për kapjen e personave në kërkim dhe vënien e tyre para përgjegjësisë penale, finalizuan operacion policor të koduar “Interaction”, si rezultat i të cilit u bë kapja dhe ndalimi i shtetasit:
M. B., 61 vjeç, banues në Fier.
Gjykata e Posaçme e Shkallës së Parë Kundër Korrupsionit dhe Krimit të Organizuar Tiranë, pas procedimit penal të nisur në vitin 2019 nga Drejtoria e Përgjithshme e Policisë së Shtetit, në bashkëpunim me agjencitë e tjera ligjzbatuese, me vendimin e datës 08.03.2022, ka vendosur për këtë shtetas masën e sigurisë “Arrest me burg” për veprat penale “Grup i strukturuar kriminal”, “Kryerja e veprave penale nga organizata kriminale” dhe “Prodhimi dhe shitja e lëndëve narkotike”../jetoilumtu.al/
burimi lajmifundit.al/
