Një 46-vjeçar është vënë në pranga, pasi ishte shpallur në kërkim për kultivimin dhe shitjen e lëndëve narkotike.
Neritan Bora, banues në fshatin Mashan të Gramshit, është dënuar nga Gjykata e Rrethit Gjyqësor Elbasan, me vendimin e datës 14.12.2021, me 5 vite burg. Tashmë atij i kanë mbetur për të kryer edhe 2 vite e tre muaj burg.
Për veprën penale “Prodhimi dhe shitja e narkotikëve”, e kryer në bashkëpunim, materialet i kaluan Prokurorisë.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Njoftimi i plotë:
Elbasan/Kontrolle të shtuara, mbështetur dhe nga inteligjenca informative, për kapjen e shtetasve në kërkim.
Kapet dhe vihet në pranga 46-vjeçari i shpallur në kërkim për prodhim dhe shitje narkotikësh.
Shërbimet e Komisariatit të Policisë Gramsh, në bashkëpunim me Seksionin për Hetimin e Narkotikëve të DVP Elbasan, të mbështetura nga inteligjenca informative, mbi vendndodhjen e një shtetasi të kërkuar, menjëherë kanë organizuar punën, kanë lokalizuar, kapur dhe vënë në pranga shtetasin e shpallur në kërkim:
Neritan Bora, 46 vjeç, banues në fshatin Mashan, Gramsh.
Gjykata e Rrethit Gjyqësor Elbasan, me vendimin e datës 14.12.2021, e ka dënuar këtë shtetas, me 5 vjet burgim, për veprën penale “Prodhimi dhe shitja e narkotikëve”, e kryer në bashkëpunim, nga të cilat i kanë mbetur për të vuajtur edhe 2 vjet e 3 muaj.
Ky shtetas, gjatë vitit 2021, ka ushtruar aktivitetin kriminal të shpërndarjes së lëndëve narkotike, në qytetin e Elbasanit.
Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme
