Elbasan- Në foto është Etleva Çullhaj, 34-vjeçe, e cila humbi jetën pas abortit në Maternitetin e Elbasanit. E ndjera ishte nënë e dy fëmijëve dhe po priste të tretin.
Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Burime nga spitali bëjnë me dije se pacientja ka ardhur me shtatzani të dëmtuar, pasi fëmija ka qenë i pajetë në barkun e saj, e ndaj kanë vendosur edhe që të kryehej procedura e abortit. Po ashtu, sipas mjekëve, pacientes i është kërkuar të qëndrojë në spital pas ndërhyrjes, por ajo ka kërkuar të largohet dhe është larguar.
Disa orë më pas ka pasur përkeqësim të shëndetit duke pësuar komplikacionet që i morën jetën.
Pas ngjarjes, spitali ende nuk ka dalë me një prononcim zyrtar, me pretendimin se presin përcaktimin e shkakut të vdekjes nga ekspertiza mjeko-ligjore. Ndërkohë, policia informoi se ndaj dy mjekëve, Arben Paralloi dhe Behar Gjevori, ka nisur një hetim lidhur me këtë rast.
